【On.cc】許志安事業大躍進　10月強勢重回紅館開唱

歌手許志安（安仔）加盟新公司神燈娛樂成為「一哥」後，歌唱事業大躍進，除推出新歌《信天翁》後，其粉絲敲碗期待已久的演唱會，終於傳來好消息，一別紅館舞台11年的他，今日宣布將於10月強勢重回紅館舉行入行40周年個唱，演唱會有傳名為「奇蹟」。

許志安入行40周年。

安仔近期可謂走勢凌厲，新歌被指回復當年水準外，日前他擔任《CHILL CLUB推介榜 年度推介 25/26》頒獎禮的表演嘉賓，58歲跳唱表現絕不遜於同場兩位比他年輕一大截的MIRROR成員，有網民驚歎謂：「安仔除咗唱得，跳《翻騰》隻舞都好得，原來佢識跳舞嘅。」

同是身為組合BIG FOUR成員的他日前接受訪問時，表示和隊友張衞健（Dicky）、蘇永康及梁漢文將於5月尾舉行最後一站BIG FOUR巡唱，令他大感不捨：「同佢哋好似同一班啱玩嘅同學一齊返學咁，開心嘅時間過得好快，可能要再等幾年，唔知仲有冇機會同佢哋合作。」又謂在BIG FOUR巡迴期間，蘇永康曾傳來窩心訊息，令他超感動：「佢話話見到我喺台上跳舞，佢好多回憶返番嚟，鼓勵我要珍惜舞台。」又指跳舞是另一表達方式，覺得人大了，跳舞機會將愈來愈少，所以他要投放更多時間、心力及記性去完成每一場演出。

許志安歌精舞勁。

BIG FOUR全力支持。