【On.cc】蔣祖曼入戲太深陷低潮　不開心半年感激佘詩曼點醒

熱播劇《正義女神》昨晚（10日）一集重點刻畫了蔣祖曼（Joman）飾演的「鄭邵玲」感化官，激罕看到Joman演甜美溫柔角色， 網民也為之心動，大嘆有新鮮感。蔣祖曼受訪時表示：「我自己覺得呢個角色寫得好好，佢善良得嚟有啲濫情，但同時內心又有股脆弱，個劇本真係寫得好仔細好入心」她續稱：「呢個角色影響咗我自己好多，其實我拍完時差唔多唔開心咗成半年，因為我感到個角色唔完美嘅地方，我覺得好似我自己，變咗嗰排自我價值有啲低，唔知點樣攞到一個平衡位。」但幸好有佘詩曼、鍾澍佳導演及《新聞女王2》的幫忙，成功令她走出低谷，更收穫了成長及更多的快樂：「阿佘現實其實係我嘅感化官嚟，佢成日提我要爽咗先，因為人生好短，唔係叫你唔好諗人哋，有時都要愛錫自己多啲。同埋遇到Diana（新聞女王2角色）呢個角色都救番我，佢就係我想成為嘅個種人，所以邵玲同Diana呢兩個角色令我成長咗、亦冇以前咁脆弱，所以真係好幸運。」

蔣祖曼演活角色。

另外，「校園霸凌案」案件飾演佘詩曼繼女的新人樂珈嘉，被讚與佘詩曼有「母女相」，母女的喊功，連「爸爸」譚耀文都讚兩人都好喊得，談到與佘詩曼首度合作兼要飾演其女兒，樂珈嘉笑言起初因不知如何稱呼阿佘前輩感到忐忑，當時佳導教「叫Man姐一定冇錯」，豈料阿佘聽畢的反應卻是：「你做咩叫我Man姐，我係你媽咪，應該叫媽咪。」令珈嘉覺得阿佘既親切又友善。珈嘉續指阿佘當時加了她聯絡之餘，還特意事前約她吃飯教路：「佢同我分析個角色，又話畀我聽有咩細節位要留意，所以佢真係幫咗我好多。」談到劇中喊戲頗多，珈嘉坦言感覺沉重，並一度因而走不出角色：「我覺得發生喺呢個角色身上嘅嘢全部都係真，令我情緒好沉重，最後用咗大半年先走番出嚟。」網民對她演技反應兩極，總監製佳導回應：「我覺得她處理一個單親爸爸帶大的女孩，表現是恰到好處的。」並親揭Tracy角色是高成彬對比：「某程度她是高成彬的一個對比，同樣的高知家庭孩子，同樣擁有很多、備受保護，受良好教育，也同樣面對家長工作很忙，所以內心情感上缺失很多！也沒有安全感。唯一的不同是她有言官這個繼母，也導致兩個孩子結局不同。」對於有網民質疑珈嘉不夠漂亮，佳導則笑言：「檢察官家庭的女兒為甚麼要很漂亮？」

蔣祖曼大晒演技。

蔣祖曼演技精湛。

佘詩曼演技母庸置疑。

蔣祖曼與佘詩曼大晒演技。